"Գրավել են" Աթենքի տեղեկատվական գործակալությունը

Երեկ իրենց անարխիստ կոչող 30 մարդ «գրավել են» Աթենքի տեղեկատվական գործակալությունը` պահանջելով ազատ արձակել բանտերում գտնվող իրենց կողմնակիցներին:

Նրանք, իրենց պահանջներով պաստառները պարզած, մոտ 1 ժամ գտնվել են գործակալության գրասենյակում:

«Ցուցարարները» պահանջել են, որ գործակալության լրահոսում տեղ գտնի ձերբակալվածներին ուղղված իրենց համերաշխության խոսքը, սակայն չեն խանգարել գործակալության աշխատանքներին:

Ի դեպ, գործակալության ղեկավարությունը ոստիկանություն չի դիմել, անվտանգության ծառայություն էլ չունի, եւ ցանկացած ոք կարող է անարգել զբոսնել գործակալության բոլոր հարկերով, նույնիսկ` մտնել տնօրենի մոտ: