Աթլետիկա. Լևոն Աղասյանը՝ Աթենքի մրցաշարի հաղթող

Աթլետիկայի Աթենքի միջազգային մրցաշարում Հայաստանի ներկայացուցիչ Լևոն Աղասյանը գրավեց առաջին հորիզոնականը, սակայն չկարողացավ Ռիոյի щլիմպիական խաղերի վարկանիշ նվաճել:

Աթենքում կայացած մրցաշարում եռացատկորդ Աղասյանը ցատկեց 16մ 16սմ և 7 մասնակիցների շարքում գրավեց առաջին տեղը: Տղաների նորմատիվը, որը թույլ կտար օլիմպիական խաղերի վարկանիշ ձեռք բերել, 16 մ 85 սմ էր. հայտնում է ՀԱՕԿ պաշտոնական կայքը: 

Կանանց պայքարում Հայաստանի ներկայացուցիչ Ամալյա Շառոյանը հեռացատկում գրանցեց 6 մ 33 սմ: Այստեղ օլիմպիական վարկանիշային նորմատիվ էր 6մ 70 սմ-ն:

Հավաքականի անդամները Ռիոյի ամառային օլիմպիական խաղերի վարկանիշի համար կպայքարեն արդեն մայիսի 21-ին Ալբանիայի մայրաքաղաք Տիրանայում կայանալիք մրցաշարում: