Քաղբանտարկյալներն արդեն պատա՞նդ

Միջազգային հանրության եւ եվրոպական կառույցների վերաբերմունքը ՀՀ իշխանությունների նկատմամբ եւ համագործակցությունը նրանց հետ շատ նման են այն գործընթացներին, որոնք սովորաբար իրականացվում են ահաբեկիչների հետ պատանդներին ազատ արձակելու հարցում:

Այսօր լրագրողների հետ հանդիպման ժամանակ նման կարծիք հայտնեց ՀԱԿ ներկայացուցիչ Դավիթ Շահնազարյանը: Ըստ նրա` իշխանությունները որեւէ քաղբանտարկյալի ազատ են արձակում փոխարենը ինչ-որ բան ստանալու համար, մարդկանց էլ նրանք ձերբակալում են միջազգային կառույցների հետ հարաբերությունների մեջ մտնելու համար:

Հարցին, թե իշխանությունները փոխարենը ի՞նչ են ստանում, Դ. Շահնազարյանը պատասխանեց. «Իշխանությունը եվրոպական, միջազգային կառույցներից գովասանքներ, դրական գնահատականներ է ստանում»: