Իսկապե՞ս սխալվել էին

Մի քանի օր առաջ ԱՄՆ-ում արեւելյան արտաքինով 3 տղամարդ գազի սպասարկման կետի աշխատակցից հարցրել են, թե ինչպես կարելի է գնալ ռազմաբազա. տեղեկացնում է KGTV-ն` հավելելով, որ մինչ այդ նրանք ահաբեկչական սպառնալիքներ են հնչեցրել ու հայհոյել:

Երեքն էլ (հետագայում պարզվել է, որ հայ են) տարբեր ավտոմեքենաներ են վարել եւ փորձել են մտնել բազայի տարածք: Առաջին մեքենան կանգնեցվել եւ խուզարկվել է գլխավոր դարպասի մոտ: Երկրորդ ավտոմեքենայի վարորդը չի արձագանքել ռազմաբազայի անվտանգության աշխատակիցների` մեքենան կանգնեցնելու պահանջին, սակայն, ի վերջո, կանգնեցվել է:

Դեռեւս պարզ չէ, թե ո՞ր է եղել տղամարդկանց` ռազմաբազա մտնելու նպատակը, սակայն երբ նրանց հարցաքննել են, երեքն էլ ասել են, որ գնում էին Գլենդել, փնտրում էին 5-րդ միջպետական ճանապարհը եւ պատահաբար են մտել բազայի տարածքը: