Փորձում է ջերմացնել ամերիկա-կուբայական հարաբերությունները

ԱՄՆ նախկին նախագահ Ջիմի Քարտերը, որ մասնավոր այցով Կուբայում է, հանդիպել է առաջնորդ Ֆիդել Կաստրոյի հետ:

Կուբայական հեռուստաընկերությունը ցուցադրել է այդ հանդիպման սկզբին վերաբերող մի տեսանյութ, սակայն զրույցի մանրամասները չի ներկայացրել:

Կաստրոյի հետ հանդիպումից առաջ Քարտերը հայտարարել էր, որ իր այցով մտադիր է նպաստել երկու երկրների հարաբերությունների բարելավմանը:

ԱՄՆ նախկին նախագահը հանդիպումներ է ունեցել նաեւ Կուբայի կաթոլիկ եկեղեցու առաջնորդ Հայմե Օրտեգայի, կղզու հրեական համայնքի ներկայացուցիչների հետ:

Ի դեպ, Քարտերն ամերիկյան ամենաբարձրաստիճան քաղաքական գործիչն է, որ այցելել է Կուբա 1959 թվականի հեղափոխությունից հետո: