Գազով ավտոցիստեռնը շրջվել է

Մարտի 28-ին՝ ժամը 14.50-ին, տեղեկություն է ստացվել, որ Եղեգնաձոր-Երևան ավտոճանապարհի 21-րդ կիլոմետրում շրջվել է «Մերսեդես» մակնիշի 22 Ա 58110 պետհամարանիշով ավտոցիստեռնը. տեղեկացնում է «Արտակարգ ալիք» լրատվական ծառայությունը:

Դեպքի վայր է մեկնել փրկարարական ուժերի վարչության փրկարական ջոկատը, ինչպես նաեւ մեկ մարտական հաշվարկ:

Պարզվել է, որ դեռևս չպարզված հանգամանքներում Իրանի քաղաքացի Հաբիթ Տիտիկին պատկանող` 22 տ հեղուկ գազով ավտոցիստեռնը դուրս է եկել երթևեկելի մասից և շրջվել:

Զոհեր և վիրավորներ չկան, գազի արտահոսք` նույնպես: Գազը նախատեսված է եղել DD ընկերության համար, որի ներկայացուցիչը գտնվել է դեպքի վայրում:

Երկու ավտոկռունկի միջոցով մեքենան ուղղել չի հաջողվել: Սահմանվել է հերթապահություն: Աշխատանքները շարունակվում են: