Ձերբակալվել է բռնցքամարտիկ Սամսոն Խաչատրյանը

Երեկ` ժամը 17:00-ի սահմաններում, ձերբակալել են բռնցքամարտի աշխարհի գավաթակիր, Եվրոպայի կրկնակի եւ ԽՍՀՄ բազմակի չեմպիոն, ՀԱԿ համակիր Սամսոն Խաչատրյանին եւ այս պահին նրա մասնակցությամբ քննչական գործողություններ են ընթանում:

Հայտնի բռնցքամարտիկի հետ ոստիկանության Կենտրոնի քննչական բաժանմունք բերման են ենթարկվել եւս երկու հոգի, սակայն հետագայում ազատ են արձակել:

Ըստ փաստաբան Արա Զաքարյանի` Սամսոն Խաչատրյանը կասկածվում է ՀՀ Քրեական օրենսգրքի 316 հոդվածի 1-ին մասի հատկանիշներով (իշխանության ներկայացուցչի նկատմամբ բռնություն գործադրելը): Նախնական տեղեկություններով` նրան բերման են ենթարկել այս տարվա մարտի 1-ին Հայ ազգային կոնգրեսի հանրահավաքի ժամանակ քաղաքացիական հագուստով ոստիկանների հետ վիճաբանելու համար։

Ոստիկանության Կենտրոնի բաժնի մոտ հավաքվել են ՀԱԿ-ի բազմաթիվ ակտիվիստներ: