Ջիպը վթարի վայրից փախցրել են

Այսօր` ժամը 6:10-ի սահմաններում, Դավիթ Բեկի փողոցում տեղի է ունեցել վթար:

Ինչպես հայտնում է ֆոտոլրագրող Գագիկ Շամշյանը, «Ջիպ Վրանգլեր» մակնիշի 63 ՏՍ 777 համարանիշով ավտոմեքենան բախվել է նշված փողոցի 87 շենքի երկաթե պատին, որի հետեւանքով 1955 թվականին ծնված Էդուարդ Ավետիսյանը եւ 1989 թվականին ծնված Նազենի Ավետիսյանը մարմնական վնասվածքներով տեղափոխվել են «Էրեբունի» բժշկական կենտրոն:

Մինչ դեպքի վայր կժամանեին Երեւանի ճանապարհային ոստիկանության աշխատակիցներն ու ՃՏՀ քննության բաժնի քննիչ Հարություն Խալաթյանը, անհայտ անձինք վթարի վայրից ավտոմեքենան տարել են:

Քննիչի հանձնարարականով ձեռնարկվում են քննչական օպերատիվ աշխատանքներ` մեքենան ու վարորդին հայտնաբերելու ուղղությամբ: