Իսպանիայի գավաթի խաղարկության եզրափակիչ

Ըստ «Ռեալի» պաշտոնական կայքի` այսօր Իսպանիայի ֆուտբոլի արքայական ֆեդերացիան հայտնել է, որ երկրի գավաթի խաղարկության եզրափակիչը տեղի է ունենալու ապրիլի 20-ին` Լա Լիգայի Էլ Կլասիկոյից ընդամենը 3 օր անց:

Որոշ աղբյուրներ նաև նշում են, որ խաղի անցկացման համար կան մի քանի մարզադաշտերի թեկնածություններ: Դրանց թվում են «Մեստայլան», «Կամպ Նոուն», «Սանտյագո Բեռնաբեուն» եւ «Լա Կարտուխան»: Ամենամեծ հավակնությունները ունի «Մեստալյան»:

Իսկ իսպանական ԶԼՄ-ները հայտնում են, որ «Բարսելոնայի» երկրպագուները ցանկանում են խաղը տեսնել «Բեռնաբեուում»:

Նշենք, որ վերջին անգամ «Ռեալը» եզրափակիչը սեփական դաշտում անցկացրել է իր 100-ամյակի օրը ու զիջել է «Դեպորտիվոյին»: Այս սնահավատությունը հաշվի առնելով` «Ռեալը» ցանկանում է խաղալ «Մեստալյայում»: Նաև հաղորդվել է, որ ստացվելիք եկամուտը հավասարապես բաժանվելու է կողմերի միջև` 2 թիմերի ու ֆեդերացիայի: