Հրաժարական տալ դեռ չի ուզում

ԵԽԽՎ-ում Հայաստանի պատվիրակության ղեկավար Դավիթ Հարությունյանը գոհ է պատվիրակության անդամների աշխատանքից: Այս մասին այսօր լրագրողների հետ հանդիպման ժամանակ ասաց նա, սակայն նաեւ հավելեց. «Բայց  սա չի նշանակում, որ շատ գոհ եմ: Միշտ ասել եմ, որ երբ շատ գոհ ես, ուրեմն պաշտոնից հրաժարվելու ժամանակն է, քանի որ անելիք այլեւս չես տեսնում»:

Պատասխանելով այն հարցին, թե արդյո՞ք արդարացված է այն ծախսը, որ ԵԽԽՎ պատվիրակությանը 3000 եվրո գումար է հատկացվել պետական բյուջեից ԵԽԽՎ վերջին նստաշրջանին մասնակցելու համար, Դ. Հարությունյանը պատասխանեց. «Իհարկե, արդարացված է այդ գումարը, մենք չենք կարող խուսափել Եվրախորհրդում ներկայացված լինելուց»:

Պատվիրակության ղեկավարը նշեց նաեւ, որ ԵԽԽՎ նիստերին հիմնականում ներկայանում են մշտական կազմով, պատվիրակության լրացուցիչ անդամները 2 անգամ ավելի քիչ են ներկա գտնվում այդ նիստերին: Այդպիսիով, գումար է խնայվում: