ԻՐԱՎՈՒՆՔ. Կհրապարակվեն Տեր-Պետրոսյանի եւ Թյուրքեշի հանդիպման մանրամասները

Թուրքիայի ռադիոհեռուստատեսային ընկերության TRT Haber ալիքը պատրաստվում է եթեր հեռարձակել թուրքական հասարակությունը ցնցած հոդվածների եւ նրանց հեղինակների մասին պատմող հեռուստահաղորդում: «Գլխագիր ութ սյունակի» կոչվող հաղորդման առաջին թողարկման ժամանակ կխոսվի Ջան Դյունդարի մասին եւ վերջինիս` 2005 թվականին Milliyet-ում հրապարակած այն հոդվածի, որում ներկայացվում են ՀՀ առաջին նախագահ Լեւոն Տեր-Պետրոսյանի եւ «Ազգայնական շարժում» կուսակցության հիմնադիր Ալփարսլան Թյուրքեշի գաղտնի հանդիպման մանրամասները:

Հոդվածագիրը նաեւ հրապարակել էր 90-ականների սկզբում Փարիզում կայացած հանդիպումից լուսանկարներ եւ որոշ տեղեկություններ:

Դյունդարը «Գլխագիր ութ սյունակի» հեռուստահաղորդման եթերում կպատմի իր հոդվածի ստեղծման, ինչպես նաեւ դրանից դուրս մնացած ուշագրավ դրվագների մասին:

Հաղորդումը եթեր կհեռարձակվի հունվարի 29-ին` երեկոյան ժամանակով 22:15-ին, TRT Haber-ով: