Մոսկվայի օդանավակայանի ահաբեկչությունից 4 հայեր են վիրավորվել

Առավոտյան տեղեկացրել էինք, որ Մոսկվայի «Դոմոդեդովո» օդանավակայանում երկուշաբթի օրը տեղի ունեցած պայթյունից տուժածների ցուցակում հայկական 3 ազգանուն կա`

Գուրգեն Վարդանի Խաչատուրով (65տ.),

Յուրի Ալբերտի Վարդանով (57տ.),

Կարեն Միխայիլի Գալուստյան (41տ.)։

Քիչ առաջ տեղեկացանք եւս մի հայ տուժածի մասին`

Անատոլի Աշոտի Պողոսբեկով (58տ.):

Նրանք բոլորը մոսկովյան հիվանդանոցներում են: Կարեն Գալուստյանի վիճակը բժիշկները գնահատում են միջին ծանրության:

Հիշեցնենք, երեկ երեկոյան «Դոմոդեդովո» միջազգային  օդանավակայանում տեղի ունեցած պայթյունից, Ռուսաստանի արտակարգ իրավիճակների նախարարության` երեքշաբթի վաղ առավոտյան հրապարակած տվյալների համաձայն, 35 մարդ զոհվել է, մոտ 180-ը` վիրավորվել:

Վերջին տվյալներով` վիրավորներից 110-ը հիվանդանոցներում են, մի մասը` ծանր վիճակում: