Իրանի դեմ վիրուսային պայքարի հեղինակը Իսրայելն է

Համակարգչային վիրուսը, որը Իրանի միջուկային օբյեկտների աշխատանքը խափանել է, Իսրայելում է ստեղծվել:

Այս մասին հաղորդել են ազդեցիկ «New York Times»-ի լրագրողները: Նրանց տվյալներով` իսրայելցի գիտնականները իբրեւ թե ուրանի արտահանման գործարանի կրկնօրինակն են կառուցել իրենց մոտ, որպեսզի փորձեր կատարեն:

2010 թվականի սեպտեմբերին «Ստաքսնեթ» վիրուսը Իրանում է հայտնաբերվել: Այն ժամանակ Իրանի իշխանությունները հայտարարեցին, թե խնդիրն արագ կերպով վերացրել են:

Փորձագետների կարծիքով` Իրանի միջուկային օբյեկտների ծրագրային խնդիրը դեռեւս տարիներ առաջ է սկսվել:

Իրանի դեմ վիրուսային հարձակումը կարելի է համեմատել լայնածավալ ռազմական գործողությունների հետ: Եվ ինչպես նշում են փորձագետները, որեւէ ծրագրավորող չէր կարող միայնակ անել այդ ամենը: Այս մասին հաղորդում է 1tv.ru-ն: