Հարության տոնը` ապրիլի 24-ին

Այս տարի Սբ.Հարության տոնը համընկել է Մեծ Եղեռնի բյուրավոր նահատակաց հիշատակի օրվա հետ:

Հարության տոնը հաղթանակն է ողջ մարդկության ընդդեմ չարիքի, հաղթանակն է Աստծո` ընդդեմ մահվան: Հարության հույսով վերընձյուղվում է մեր մեջ կյանքի հավիտենականությունը: Այս տարի ողջ քրիստոնյա աշխարհը, թե լատին, թե հույն, թե Հայ Առաքելական եկեղեցին Սբ.Հարության տոնը նույն օրն է նշում: Կարծես մարտահրավեր է նետվում անարգ թշնամուն, թե «Մահը կուլ գնաց հաղթության: Ո՞ւր է, մահ, քո հաղթությունը: Ո՞ւր է, գերեզման, քո խայթոցը» (Կորնթ. 15:54-55): Աստվածային նախախնամությամբ, կարծես թե բոլոր ազգերը աղոթքի ձայն կբարձրացնեն ի հիշատակ Հայոց Մեծ Եղեռնի անմեղ նախատակների հոգիների փրկության համար»,- ասված է Արարատյան Հայրապետական թեմի Մամլո դիվանի հաղորդագրությունում: