6-ամյա մեր հայրենակիցը` ֆրանսիական բանտում

Ֆրանսիայի Նիմ քաղաքում բանտ է նետվել 6-ամյա Վազգեն Ասրիյանը: Որքան էլ տարօրինակ է, 6-ամյա մեր հայրենակցին ձերբակալել են Վերին Լուարա նահանգի Լանժեակ քաղաքում` հենց դպրոցում: Նույն բանտում է նաեւ նրա հայրը Դավիթ Ասրիյանը: Հայր ու տղա դատապարտվել են 15-օրյա ազատազրկման։


Ներկայացված մեղադրանքում ասված է, որ հայր ու տղա իբր բենզին են գողացել: Դավիթը Հայաստանից տեղափոխվել էր Ռուսաստան, իսկ այնտեղից Ֆրանսիա: Միգրանտների նկատմամբ օրենքի խստացումից հետո 2010-ի աշնանը Ֆրանսիայի իշխանությունները հրաժարվել էին Ասրիյանին քաղաքական ապաստան տալ: Դավիթը նախքան Ֆրանսիա ժամանելը, խաղացել է Ռուսաստանի ֆուտբոլային ակումբներից մեկում։ Դավիթն արդեն 6 տարի է, ինչ ապրում է Ֆրանսիայում։

Քաղաքի բնակիչները երեքշաբթի դպրոցի շենքի մոտ նույնիսկ ցույց են անցկացրել ՝ ի պաշտպանության երեխայի։

Այս մասին հայտնում է Paris-Match-ը։