Արտաքին ճնշումները Հայաստանի նկատմամբ տարեսկզբին կահագնանան

Հունվարի 18-ին Հայաստան է ժամանելու Մարդու իրավունքների հանձնակատարը, իսկ փետրվարի սկզբին ակնկալվում է համազեկուցողների փաստահավաք առաքելության այցը մեր երկիր` Ալեքս Ֆիշերի գլխավորությամբ:

Այս մասին այսօր լրագրողներին հայտնել է Եվրոպայի խորհրդում ՀԱԿ ներկայացուցիչ Արման Գրիգորյանը: Նրա կարծիքով, այդ այցելությունները կմեծացնեն Հայաստանի նկատմամբ արտաքին ուժերի ճնշումները: «Հայաստանի իշխանությունները ձախողել են Եվրոպայի խորհրդի բանաձեւերում առկա պահանջների կատարումը: Եվրախորհուրդն արդեն խոսել է վերջնագրի ձեւով, եւ համոզված եմ, որ Հայաստանի նկատմամբ առաջիկայում պատիժներ կկիրառվեն»,- նշել է ՀԱԿ անդամը:

Նշենք, որ փաստահավաք խմբի այցելության հիման վրա կհրապարակվի զեկույց, որը կընդգրկվի Եվրոպայի խորհրդի գարնանային նստաշրջանում: