Նավթի գողությունը վերածվել է մեծ աղետի

Կիրակի օրը Մեքսիկայի կենտրոնում նավթամուղ է պայթել՝ երբ գողերը փորձել են նավթ գողանալ: Պայթյունի արդյունքում  27 հոգի մահացել են:

 Իշխանությունները տեղեկացրել են, որ մահացածներից 12-ը երեխաներ են եղել: Պայթյունը 3 մղոն շառավղով է ազդել՝ վիրավորելով առնվազն 52 հոգու և այրելով ավելի քան 115 տուն:

 Հիմնական պայթյունը, որին հաջորդել են 4 փոքր պայթյուններ, հարյուրավոր մարդկանց ստիպել է փախչել Մեխիկոյի արևելքում գտնվող Սան Մարտին Տեքսմելուկան քաղաքից:

Պետական սեփականություն հանդիսացող «Petroleos Mexicanosե ընկերությունն իր հայտարարությունում ասել է, որ փակել է նավթամուղը:

 Իշխանությունները տեղեկացրել են, որ կեսօրին կրակը հանգցվել է: Տարածքը առանց էլեկտրականության և ջրի է եղել:

 Նավթի ընկերությունից հաճախ են գողություն անում, որի արդյունքում այն իր արտադրանքի 10 տոկոսը կորցնում է: