«Ժառանգությունը» հանգիստ չի տալու նոր քաղաքապետին

«Նախկինում ունեցած իմ շփումներից այն տպավորությունն ունեմ, որ պարոն Կարապետյանն, անշուշտ, գրագետ, քաղաքակիրթ մարդ է»,- ասաց ԱԺ «Ժառանագության» խմբակցության անդամ Լարիսա Ալավերդյանը` Երեւանի նոր քաղաքապետ Կարեն Կարապետյանի մասին:

Թեեւ ներկայիս նոր պաշտոնն ու նախկինում զբաղեցրածն իրենց բնույթով խիստ տարբեր են եղել, սակայն Լ.Ալավերդյանը հուսով է, որ Կ.Կարապետյանը կկարողանա շարունակել հաջողակ գործիչ լինել:

Լ.Ալավերդյանը հիշեցրեց նաեւ, որ «Ժառանգությունը» ընդդիմություն է, ունի առաջարկությունների եւ բարեփոխումների իր փաթեթը, որը ներկայացրած է եղել  նախկին քաղաքապետին, սակայն նրա օրոք լուծումներ չեն եղել: Այժմ դիմելու են նոր քաղաքապետին:

«Անշուշտ հանգիստ չենք տալու պարոն Կարապետյանին իր նոր պաշտոնում»,- ասաց Լարիսա Ալավերդյանը: