Հաշմանդամ անձանց համար ոչ թե 3000 դրամ կենսաթոշակի բարձրացում, այլ` աշխատատեղեր

«Մենք պետք է հնավորություն ստեղծենք, որ հաշմանդամ մարդիկ աշխատանք ունենան: Օրինակ՝ Դանիայում հաշմանդամների մեծ մասն աշխատում են՝ նույնիսկ հրաժարվում հաշմանդամության թոշակից»,- «ԵՐԿԻՐ»-ին ասել է «Հույսի կամուրջ» ՀԿ-ի հաշմանդամ մարդկանց շահերի պաշտպանության պատասխանատու Զառա Բաթոյանը:

Հոկտեմբերի 22-ից Հայաստանում ուժի մեջ է մտել հաշմանդամների իրավունքերի մասին ՄԱԿ-ի կոնվենցիան: Ըստ Բաթոյանի` հիմնովին պետք է փոխվի երկրի քաղաքականությունը՝ հաշմանդամների նկատմաբ: Ըստ կոնվենցիայի՝ այն պետք է հիմնված լինի սոցիալական մոդելի վրա: Մոդելը հաշմանդամ մարդկանց հավասար պայմաններով կրթություն, աշխատանք ապահովելու մասին է: