Հաշմանդամների կենսաթոշակը բարձրացել է

Սոցիալական ապահովագրության պետական ծառայությունը «Երկիր»-ին տեղեկացրեց, որ նոյեմբերի 1-ից առաջին խմբի հաշմանդամների կենսաթոշակը բարձրացել է հիմնական կենսաթոշակի 40 տոկոսով, երկրորդ խմբինը` հիմնական կենսաթոշակի 20 տոկոսով: Բազային կենսաթոշակը ևս նոյեմբերի 1-ից ավելացել է 2.500 դրամով:

«Հիմա նվազագույն կենսաթոշակը 24.800, իսկ նվազագույն աշխատավարձը 32.500 դրամ է, ճիշտ է դա դեռ չի գոհացնում մեր քաղաքացիներին, սակայն պետության կողմից աշխատանքները այս թվերը մեծացնելու ուղղությամբ կշարունակվեն»,-ասաց կենսաթոշակային ապահովության և առանձին ծրագրերի վարչության պետ Աշոտ Աբրահամյանը:

Աշոտ Աբրահամյանը բերված թվերի և սպառողական զամբյուղի համամասնության մասին դժվարացավ խոսել, թե որպես պետական պաշտոնյա, թե որպես քաղաքացի: