Նոր մանրամասներ Սանկտ Պետերբուրգի բժշկական համալսարանում կատարված ողբերգության մասին

Երեկ առավոտյան ժամը 11-ին ոստիկանությունը Սանկտ Պետերբուրգում Չինաստանի հյուպատոսության շենքում ձերբակալել են մի երիտասարդի, որի հագուստն ամբողջովին արյունոտ է եղել: Չինացին խոստովանել է, որ ինքն է սպանել Պավլովի անվան բժշկական համալսարանի թերապիայի բաժանմունքի ղեկավարներից մեկին: Չին երիտասարդը հարբած է եղել:

Քաղաքի ՆԳ շրջանային վարչության աշխատակիցներն անմիջապես մեկնել են ուսումնական հաստատություն և թերապիայի աշխատասենյակներից մեկում հայտնաբերել ամբիոնի ղեկավարի օգնական, 59-ամյա գործավարուհու մարմինը: Կինը գլխատված էր, ընդ որում՝ կնոջ գլուխը շենքում չեն հայտնաբերել:

Ձերբակալվածը չի կարողացել հստակ բացատրություններ տալ կատարվածի մասին: Նա հայտնել է, թե կնոջը սպանել է դանակով, իսկ գլուխը փաթաթել է ու տարել: Այնուհետև ինչ-որ տեղ մոռացել է իր «բեռը»՝ բացառված չէ, որ հասարակական զուգարանում:

Չինացին նաև նշել է, որ իր համար միևնույն էր՝ ում սպանի, միայն թե ղեկավար լիներ, որովհետև իր ազգականներից մեկին այդ ամբիոնում իբր անորակ բուժում են ցույց տվել: