Երկրպագուները երկու օր քամու և անձրևի տակ սպասել են

Նոյեմբերի 11-ի երեկոյան Լոնդոնի Լեսթեր Սքուեյրը լի էր ճչացող երիտասարդներով: Չնայած ուժեղ քամուն և անձրևին` նրանք համբերատար սպասում էին իրենց սիրելի դերասաններին: Նրանցից ոմանք երկու օր սպասել էին, որպեսզի լավ տեղեր գրավեին պատնեշի մոտ: Պրեմիերային ներկա էին ֆիլմի բոլոր աստղերը, սակայն բոլորի ուշադրությունը կենտրոնացված էր ֆիլմի աստղեր Դենիել Ռեդկլիֆի, Էմմա Ուոթսոնի և Ռուպերտ Գրինտի վրա: Քանի որ պրեմիերան համընկել էր Վետերանների տոնի հետ, բոլոր աստղերը կրում էին կարմիր թղթե կակաչներ` որպես հարգանքի նշան զոհված և վիրավորված զինվորներին: Լեսթեր Սքուեյրում տեղի ունեցող իրադարձությունները ուղիղ կապով հեռարձակում էին ոչ միայն հեռոջստատեսությունները, այլև սոցիալական և այլ կայքերը, դրանց թվում Facebook-ը և YouTube-ը: «Հարի Փոթերը և մահացու պարգևները» ֆիլմի առաջին մասի համաշխարհային պրեմիերան տեղի կունենա նոյեմբերի 19-ին, ավելի քան 35 երկրներում: