Պանրի թանկացման պատճառների մասին ուսումնասիրությունը պատրաստ չէ

Տնտեսական մրցակցության պաշտպանության պետական հանձնաժողովը (ՏՄՊՊՀ) դեռ պատրաստ չէ հանրությանը ներկայացնել պանրի գների թանկացման պատճառների մասին իր ուսումնասիրությունը:«Փոստային ծառայության հետ կապված խնդիրներ կան, մազերից դժվար է ինֆորմացիա ստանալ, իսկ վերջնական չենք կարող ասել, երբ պատրաստ կլինեն արդյունքերը, մենք դա կհրապարակենք, երբ որ կտանանք նաև մարզերից և ամբողջական լինի»,-ասում է հանձնաժողովի մամուլի քարտուղար Նելլի Դանիելյանը:

«Հայփոստ» ՊՓԲԸ մամուլի և հասարակայության հետ կապերի պատասխանատու Գևորգ Աբրահամյանը հայտնում է, որ ամենահեռավոր շրջաններից անգամ նամակները հասնում են 3+1 օր ժամկետում: «Եթե հանձնաժողովը նամակները չի ստացել, սակայն դրանք ուղարկված են, կարող են մեզ տեղյալ պահել, մենք նամակները կգտնենք»,-ասում է Աբրահամյանը: Դեռ նոյեմբերի 3-ին հանձնաժողովը միաձայն որոշում էր կայացվել պանրի արտադրության ոլորտում գործող տնտեսվարող սուբյետներին տալ 3 օրյա ժամկետ` 2009 թվականի հուլիսի 1-ից մինչև դեկտեմբերի 31-ը և 2010 թվականի հունվարի 1-ից մինչև հոկտեմբերի 31-ն ընկած ժամանակապատվածում իրենց գործունեության և գնային փոփոխությունների վերաբերյալ համապատասխան տեղեկատվություն ներկայացնելու համար:

Հանձնարարությունից անցել է արդեն մեկ շաբաթ, սակայն նորություն չկա: Հիշեցնենք, որ սպառողական զամբյուղի կարևորությամբ երրորդ սննդամթերք համարվող պանիրը մոտ մեկ ամիս առաջ մեկ օրում թանկացավ 1 կգ մինչև 1000 դրամ: