Իրանի Խորասան Ռազավի նահանգում ապստամբները ոստիկանական բաժանմունք են գրոհել. սպանվել է հինգ մարդ

Իրանի Խորասան Ռազավի նահանգի նահանգապետի աշխատակազմի ներկայացուցիչը հայտնել է, որ չորեքշաբթի երեկոյան Չենարանի ոստիկանական բաժանմունքի վրա ապստամբների հարձակման ժամանակ զոհվել է հինգ մարդ, հաղորդում է Mehr-ը։

Խորասան Ռազավի նահանգի նահանգապետի աշխատակազմի անվտանգության հարցերով տեղակալ Ամիրոլլահ Շամաքդարին հայտնել է, որ նահանգում վերջերս տեղի ունեցած անկարգությունների ժամանակ վիրավորվել է 23 ոստիկան և մեկ ապստամբ։ Տեղական պաշտոնյան հայտնել է, որ «երեկ երեկոյան ապստամբները գրոհել են Չենարանի ոստիկանական բաժանմունքը՝ մագլցելով դրա պատերը, և հետագա իրադարձությունների ժամանակ զոհվել է հինգ մարդ»։