Գերմանիայում ավելի քան 40 մարդ Է տուժել սուպերմարկետում գազ փչելու հետեւանքով

Սաքսոնիա դաշնային երկրամասում գտնվող Վալդհայմ քաղաքի սուպերմարկետում անհայտ գազի ցրման հետեւանքով ավելի քան 40 մարդ Է տուժել, 15 մարդ հոսպիտալացվել է, հաղորդում է Bild թերթը:

Bild-ի տեղեկատվության համաձայն՝ անհայտ նյութը ցողել են շաբաթ երեկոյան Վալդհայմ քաղաքի Հաուպշտրասե փողոցում գտնվող Kaufland խանութում։

«Այս պահին վիրավորվել է 41 մարդ, նրանցից 15 - ը տեղափոխվել են հիվանդանոց», - թերթը մեջբերում է ոստիկանության ներկայացուցչի խոսքը:

Խանութի այցելուները բողոքել են սրտխառնոցից և շնչուղիների գրգռումից։

Հաղորդվում է, որ գազը ցողել են սննդի բաժնում։ Միջադեպի պատճառով Վալդհայմում Kaufland խանութը փակվել է։