Անկարգությունների ընթացքում Թուրքիայում արդեն ավելի քան 3000 մարդ է տուժել

Թուրքիայում վերջին երկու օրվա ընթացքում տեղի ունեցած անկարգությունների ընթացքում արդեն ավելի քան 3000 մարդ է տուժել. տեղեկացնում է ИТАР-ТАСС-ը: Ավելի վաղ ԶԼՄ-ները տեղեկացնում էին 6 անգամ փոքր թվերի մասին: 20-ից ավելի մարդ ծանր վիճակում է, մեկը զոհվել է: Տուժածների ամենամեծ թիվը գրանցվել է Ստամբուլում:

Բողոքի ակցիաները Թուրքիայում շարունակվում են մի քանի օր: Նախապես դրանք ուղղված էին Ստամբուլի Թաքսիմ հրապարակի Գեզի այգին ոչնչացնելու եւ դրա տեղում առեւտրի կենտրոն կառուցելու դեմ: Հետագայում բնապահպանական պահանջները վերածվեցին քաղաքականի. ցուցարարները պահանջում են կառավարության եւ վարչապետ Էրդողանի հրաժարականը: