Մեր վայ հարեւանի՝ ցանկալին իրականության փոխարեն ներկայացնելը խայտառակ ավարտ ունեցավ. Արցախի նախագահի մամուլի խոսնակ

Իհարկե, կարելի է պատկերացնել ադրբեջանցի որոշ բարձրաստիճան պաշտոնյաների կարճատեւ հրճվանքն ու ապրած խորը հիասթափությունը, բայց նման դեպքերը խորհելու եւ սեփական տկարությունը գիտակցելու հրաշալի առիթ են նաեւ: Այս մասին ֆեյսբուքյան իր էջում գրել է Արցախի նախագահի մամուլի խոսնակ Վահրամ Պողոսյանը:

Նա, մասնավորապես, գրել է.

«Ռուսաստանի Դաշնության արտաքին գործերի նախարարության կոշտ արձագանքից հետո ադրբեջանական մամուլը շատ արագ խմբագրել է երեկ տարածած ապատեղեկատվությունը, որով խեղաթյուրել էր ՌԴ ԱԳ նախարար Սերգեյ Լավրովի խոսքը, թե իբր, Մեջլիսի խոսնակի հետ հանդիպման ժամանակ, անդրադառնալով ադրբեջանա-ղարաբաղյան հակամարտությանը, վերջինս խոսել էր ինչ-որ տարածքներ վերադարձնելու ու հակահայ այլ թեմաների մասին:

Մեր վայ հարեւանի՝ ցանկալին իրականության փոխարեն ներկայացնելու տարիների գործելաոճի այս դրսեւորումը խայտառակ ավարտ ունեցավ: Իհարկե, կարելի է պատկերացնել ադրբեջանցի որոշ բարձրաստիճան պաշտոնյաների կարճատեւ հրճվանքն ու ապրած խորը հիասթափությունը, բայց նման դեպքերը խորհելու եւ սեփական տկարությունը գիտակցելու հրաշալի առիթ են նաեւ: Երեւի...»։