Ադրբեջանական պրոպագանդան ցանկալին ներկայացրել է որպես իրականություն

Երեկ ադրբեջանական ԶԼՄ-ները տեղեկություն էին տարածել, թե իբր հայ զինծառայողը փորձել է Աղդամի ուղղությամբ հատել ղարաբաղա-ադրբեջանական հակամարտ զորքերի շփման գիծը և անցնել ադրբեջանական կողմը:

Լեռնային Ղարաբաղի Հանրապետության Պաշտպանության բանակի լրատվության եւ քարոզչության բաժինըհերքում է ադրբեջանական տեղեկությունը եւ նշում, որ այն իրականությանը չի համապատասխանում:

«Ինչպես միշտ, այս անգամ ևս, ադրբեջանական պրոպագանդան, իրեն հատուկ շինծու տեղեկատվությամբ, ցանկալին ներկայացրել է իրականության փոխարեն: ՊԲ առաջապահ զորամասերը վստահորեն իրականացնում են մարտական հերթապահություն և անհրաժեշտության դեպքում պատրաստ են կանխարգելել հակառակորդի ցանկացած սադրիչ գործողություն»,- նշվում է ՊԲ հաղորդագրության մեջ: