Ռումինիան և Հոնդուրասը հայտարարել են Երուսաղեմն Իսրայելի մայրաքաղաք ճանաչելու մասին

Ռումինիայի և Հոնդուրասի ղեկավարները մարտի 24-ին հայտարարել են Երուսաղեմը Իսրայել պետության մայրաքաղաք ճանաչելու մասին: Այս մասին տեղեկացնում է Fox News-ը`հղում տալով Associated Press պարբերականին:

Ռումինիայի վարչապետ Վիորիկա Դենչիլեի և Հոնդուրասի նախագահ Խուան Էռնանդեսի համապատասխան հայտարարություններն արվել են Հանրային գործերի ամերիկա-իսրայելական կոմիտեի տարեկան խորհրդաժողովի ընթացքում: Հայտարարությունները դրական արձագանք են ստացել իսրայելցի քաղաքական գործիչների շրջանում:

Նշվում է, որ երկու երկրներն էլ մտադիր են դեսպանատները տեղափոխել Երուսաղեմ:

ԶԼՄ-ն հիշեցնում է նաև, որ 2018 թվականի վերջին ԱՄՆ-ի նախագահ Դոնալդ Թրամփը Երուսաղեմը ճանաչել էր Իսրայելի մայրաքաղաք`հայտարարելով ամերիկյան դեսպանատունն այդ քաղաք տեղափոխելու մասին:

Համանման որոշում է ընդունել նաև Գվատեմալան: