Ռումինիան եւ Թուրքիան` ԱՄՆ հակահրթիռային համակարգի մաս

ԱՄՆ-ը եւ Ռումինիան պայմանագիր են ստորագրել ամերիկյան հակահրթիռային պաշտպանության համակարգերն այդ երկրի տարածքում տեղակայելու մասին: Ամերիկյան կողմից պայմանագիրը ստորագրել է ԱՄՆ պետքարտուղար Հիլարի Քլինթոնը, իսկ Ռումինիայի կողմից` արտգործնախարար Թեոդոր Բակոնսկին: Պայմանագրի համաձայն` համակարգը Ռումինիայում կտեղադրվի 2015-ին. տեղեկացնում է mignews.com-ը:

Նմանատիպ պայմանագիր է ստորագրվել նաեւ Թուրքիայի կառավարության հետ: Թուրքիայի տարածքում տեղակայվելու է ռադիոտեղորոշիչ համակարգ: Անկարայում ստորագրված փաստաթղթի տակ Թուրքիայի փոխարտգործնախարար Ֆերիդուն Սինիրլիօղլուի եւ ԱՄՆ դեսպան Ֆրենսիս Ռիկարդոնեի ստորագրություններ են: Ռադարը տեղակայվելու է Թուրքիայի հարավ-արեւելքում` Մալաթիայում:

Թուրքական ԶԼՄ-ների տեղեկություններով` այն ղեկավարվելու է Գերմանիայում գտնվող օպերատիվ կենտրոնից: Ռադիոտեղորոշիչ կայանի տվյալները ներկայացվելու են նաեւ թուրքական իշխանություններին: Նախատեսվում է, որ այն կսկսի գործել այս տարվա դեկտեմբերից: