Գրոհայինները 7 մարդ են գնդակահարել

Այսօր Բաղդադից հարավ գտնվող Էլ Յուսեֆիա քաղաքում գրոհայինները 7 մարդ են սպանել:

Իրաքի բանակայինների համազգեստ հագած գրոհայինները, ըստ ոստիկանության տվյալների, մտել են քաղաքի մզկիթ, որտեղ ծիսակատարություն է իրականացվել, քաշքշելով այնտեղից դուրս են բերելու 7 հոգու եւ գնդակահարել: Բոլոր զոհվածները եղել են սուննի զինված խմբավորման անդամներ, որոնք իրաքյան իշխանությունների հետ պայքարում են «Ալ Քաիդա»-ի դեմ. տեղեկացնում է Газета.ru-ն:

Զոհվածների դիակների կողքին գրոհայինները գրություն են թողել, որում ասվում է, որ նրանց մահապատժի է ենթարկել «Իսլամական պետություն Իրաքում» կազմակերպությունը: Այդ խմբավորումը իրաքյան «Ալ Քաիդա»-ի ստորաբաժանումն է:

Նշենք, որ երեկ իրաքյան 3 քաղաքում միաժամանակ ահաբեկչություններ են իրականացվել: