Կարսի նախկին նահանգապետը կարեւոր խոստովանություն է արել

ՀՅԴ Բյուրոյի անդամ Վահան Հովհաննիսյանի այն հայտարարությունը, թե ամենաբարձր պաշտոնը, որի մասին երազում է, Կարսի նահանգապետի պաշտոնն է, վրդովեցրել է թուրքերին:

«Անադոլու» գործակալության փոխանցմամբ` Կարսի նախկին նահանգապետ Նայիֆ Ալիբեյօղլուն հայտարարել է, թե այդ հողերը արյան գնով են վերցվել:

Թուրք գործչի այս հայտարարությունը Վ. Հովհաննիսյանն այսպես մեկնաբանեց. «Այո, այդ հողերը նվաճված են: Շատ կարեւոր խոստովանություն է անում այդ պարոնը: Հայաստանի այդ տարածքը նվաճված է: Արյունը, որի մասին նա խոսում է, հայերի արյունն է: Եվ երբ մենք պահանջում ենք Ցեղասպանության ճանաչում  եւ հատուցում, հատուցում ասելիս նկատի ունենք հենց այն, ինչը այդքան զայրացրել է Կարսի նախկին նահանգապետին»: