|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Կազանում տեղի է ունեցել Եվրասիական տնտեսական միության անդամ պետությունների մաքսային ծառայությունների միավորված կոլեգիային կից աշխատանքային խմբի 66-րդ նիստը։
Նիստը նախագահել է Ռուսաստանի Դաշնության դաշնային մաքսային ծառայության «Վերլուծական կենտրոն» գլխավոր վարչության պետ Իվան Կոզլովը։
Հանդիպման առանցքում ԵԱՏՄ երկրների մաքսային մարմիններում ռիսկերի կառավարման համակարգի զարգացումն էր։ Նիստին մասնակցել են Հայաստանի, Բելառուսի, Ղազախստանի, Ղրղզստանի և Ռուսաստանի մաքսային ծառայությունների փորձագետները։
Եվրասիական միջկառավարական խորհրդի հանձնարարությամբ աշխատանքային խմբի աշխատանքներին առաջին անգամ միացել են նաև Եվրասիական տնտեսական հանձնաժողովի ներկայացուցիչները։ Նրանց հետ համատեղ քննարկվել է բարձր հարկային ներուժ ունեցող ապրանքների ցանկը։
Ռիսկերի կառավարման համակարգերի շրջանակում համագործակցությունն ուղղված է ԵԱՏՄ երկրների տնտեսությունների ստվերից դուրս բերելուն։ Մշակված որոշումների նախագծերը կներկայացվեն Միավորված կոլեգիայի առաջիկա նիստում։