Հայրապետի խաչը և մեր աղոթքը․ Սամվել դպիր Գրիգորյան

Սամվել դպիր Գրիգորյանը գրել է․

«ՀԱՅՐԱՊԵՏԻ ԽԱՉԸ ԵՎ ՄԵՐ ԱՂՈԹՔԸ

Հայրապետական Գահակալությունը վայելքի կամ փառքի համար տրված պատիվ չէ․ դա հոգևոր ծանրագույն խաչ է, ազգային ահռելի պատասխանատվություն և ամենօրյա հոգևոր պատերազմ՝ հանուն Հայ Առաքելական Սուրբ Եկեղեցու անխաթարության, ուղղափառ հավատքի պահպանման, արտաքին և ներքին մարտահրավերների դիմագրավման, մեր ժողովրդի ու Հայրենիքի հոգևոր ամրության։

 Եվ որքան ծանրանում է Հայրապետի խաչը, այնքան առավել պիտի զորանա Եկեղեցու զավակների աղոթքը՝ իրենց Հովվապետի համար։

Մեր աղոթքն է․

Ամեն հայի սրտից բխած,

Լսիր այս ձայն, ո՛վ Աստված.

Երկար կյանք տուր Հայրապետին,

Երկար օրեր Հայոց Հոր.

Տե՛ր, անսասան պահիր Դու միշտ

Քո իսկ հիմնած Մայր Աթոռ»։