ԿԺԴՀ-ն երբեք չի հրաժարվի միջուկային տերության կարգավիճակից․ Կիմ Չեն Ըն

Հյուսիսային Կորեայի առաջնորդ Կիմ Չեն Ընը ԿԺԴՀ-ի 15-րդ Գերագույն ժողովրդական ժողովի առաջին նստաշրջանում իր հիմնական ելույթում խոստացել է, որ երկիրը երբեք չի հրաժարվի միջուկային տերության կարգավիճակից։ Այս մասին հաղորդում է Կորեայի կենտրոնական լրատվական գործակալությունը, փոխանցում է  ՌԻԱ «Նովոստին»։

«Հանրապետության կառավարությունն այսուհետ եւս անշեղորեն կամրապնդի միջուկային պետության կարգավիճակը՝ որպես բացարձակ անշրջելի եւ հարձակողական կարգով պայքար կծավալի մեզ ընդդիմացող ուժերի դեմ, որպեսզի ջախջախի նրանց բոլոր հակահանրապետական սադրիչ գործողությունները»,-հայտարարել Է Կիմ Չեն Ընը:

Նա հավելել է, որ ԿԺԴՀ-ի կառավարությունը հետևողականորեն կարդիականացնի բանակը և պաշտպանական արդյունաբերությունը, ամբողջ ծավալով կապահովի մարդկային և նյութական ռեսուրսները, որոնք անհրաժեշտ են ամբողջ ժողովրդի զինման և երկիրը «ամրոցի» վերածելու համար, ինչպես նաև անընդհատ կավելացնի և կամրապնդի պետության պաշտպանական հզորությունը։