Համայն Վրաստանի նոր Կաթողիկոս-Պատրիարք է ընտրվել Շիո Մուջիրին

Vector News-ը հայտնում է, որ համայն Վրաստանի նոր Կաթողիկոս-Պատրիարք է ընտրվել Շիո Մուջիրին։

«Մայիսի 11-ին Թբիլիսիի Սուրբ Երրորդություն մայր տաճարում կայացած Սուրբ Սինոդի ընդլայնված նիստում ընտրվել է համայն Վրաստանի նոր՝ 142-րդ Կաթողիկոս-Պատրիարքը։

Սուրբ Սինոդի որոշմամբ Վրաց ուղղափառ եկեղեցու նոր առաջնորդ է ընտրվել պատրիարքական գահի տեղապահ մետրոպոլիտ Շիո Մուջիրին, որը ստացել է 22 ձայն։

Քվեարկության արդյունքները հետևյալն են․

• մետրոպոլիտ Շիո Մուջիրի - 22 ձայն,

• մետրոպոլիտ Հոբ - 9 ձայն,

• մետրոպոլիտ Գրիգոլ - 7 ձայն։

Այսպիսով, Շիո Մուջիրին առաջին փուլում հաղթահարել է անհրաժեշտ շեմը և ընտրվել համայն Վրաստանի նոր Կաթողիկոս-Պատրիարք»։