Բաքվում խոսք կլինի հայ գերիների մասին. Վենս

ԱՄՆ փոխնախագահ Ջեյմս Դեյվիդ Վենսը Հայաստանից մեկնելիս կարճ ճեպազրույց ունեցավ լրագրողների հետ։ Անդրադառնալով Բաքվում պահվող հայ գերիների, նրանց ազատ արձակման վերաբերյալ հարցին՝ Վենսն առանց որևէ հստակության ասաց, որ ԱՄՆ-ն արդեն խոսել է գերիների թեմայից։

Նրա վստահեցմամբ, դա հաստատ քննարկման թեմա է դառնալու։

«Մենք ունենք շատ լավ հարաբեություններ այստեղ վարչապետի հետ, ինչպես նաև Ադրբեջանի նախագահ Ալիևի հետ։ Երեկ ես լսեցի, որ վարչապետն ասում է, որ շատ լավատես է խաղաղության գործարքի առումով, հիմնվելով այն ամենի վրա, որտեղ մենք հիմա ենք ՝ համեմատելով, թե որտեղ էինք ամիսներ առաջ։

Բնականաբար, բարձրացնելու ենք մի շարք թեմաներ։ Կարծում եմ, հաջողությամբ կշարունակենք աշխատել ադրբեջանցիների ու հայերի հետ»,- ասաց Վենսը։