Իսրայելն այլևս չի կարող համարվել ԱՄՆ-ի «առանձնահատուկ և պաշտպանված դաշնակից». Վենս

ԱՄՆ փոխնախագահ Ջեյ Դի Վենսը հայտարարել է, որ Իսրայելը այլևս չի կարող համարվել ԱՄՆ-ի «առանձնահատուկ և պաշտպանված դաշնակից»։

Ինչպես գրում է Politico-ն, Վենսն այս հայտարարությունն արել է, երբ Իսրայելը քննադատել էր ԱՄՆ-ի և Իրանի միջև խաղաղության համաձայնությունը։

«Իսրայելը հիմա ավելի մեկուսացված է միջազգային մակարդակում, իսկ ԱՄՆ հասարակության՝ հատկապես երիտասարդ հանրապետականների վերաբերմունքը փոխվում է, ուստի պետք է նոր քաղաքական մոտեցում։

ԱՄՆ նախագահ Դոնալդ Թրամփը այսօր այն միակ առաջնորդն է, որը դեռ համակրանք ունի Իսրայելի նկատմամբ»,-նշել է պաշտոնյան։

Ըստ պարբերականի՝ Թրամփը դժգոհ է Իսրայելի վարչապետ Բենիամին Նեթանյահուից, քանի որ նա պահանջում է ավելի ուժեղ ռազմական գործողություններ Իրանի դեմ։

Թրամփը կարծում է, որ Նեթանյահուն չափազանց է կենտրոնացած պատերազմի վրա։