Շվեդիան Ուկրաինային 100 միլիոն եվրո կհատկացնի՝ ձմռան կարիքները բավարարելու համար

Շվեդիայի կառավարությունը հայտարարել է, որ Ուկրաինային կհատկացնի փոքր-ինչ ավելի քան 1,1 միլիարդ կրոն (100 միլիոն եվրո), հաղորդում է Sweden Herald-ը։

Քաղաքացիական օգնության փաթեթը Ուկրաինային կօգնի բավարարել ձմռանն անհրաժեշտ կարիքները։

Քանի որ Ռուսաստանն ուժեղացնում է քաղաքացիական ենթակառուցվածքների վրա հարձակումները, շատ ուկրաինացիներ հայտնվել են առանց էլեկտրաէներգիայի, ջեռուցման և ջրի մնալու վտանգի առաջ։ Վերջին շաբաթներին այդ հարձակումներն ավելի հաճախակի են դարձել։

Օդօ ջերմաստիճանը սկսում է իջնել, այս ձմեռը կարող է լինել ամենավատը 2022 թվականից ի վեր,  Göteborgs-Posten պպարբերականին հայտնել է Շվեդիայի միջազգային զարգացման համագործակցության նախարար Բենջամին Դուզան։

Այդ գումարը Ուկրաինայի համայնքներին կօգնի էկոլոգիապես մաքուր ենթակառուցվածքների վերանորոգման և կառուցման գործում, ձմռանը բավարարել երկրի էներգետիկ կարիքները և ամրապնդել երկրի կարողությունը հանրային ծառայություններ մատուցելու հարցում։