Ուկրաինան զբաղված է հակառուսական ենթատեքստով քարոզչությամբ. Զախարովա

ՌԴ ԱԳՆ խոսնակ Մարիա Զախարովան նշել է, որ Ուկրաինայի կողմից կազմակերպված «սննդի գագաթնաժողովը» ընթանում է հակառուսական քարոզչությամբ, իսկ դրա նպատակը Կիևի ռեժիմի կոռուպցիոն սխեմաները թաքցնելն է՝ տեղեկացնում է «Ռիա Նովոստի»-ն:

Զախարովայի խոսքով՝ «սա զուտ հակառուսական ենթատեքստով քարոզչական ձևաչափ է»:

Նա հավելել է, որ Կիևի գործողությունները՝ «Ռուսաստանի սահմանային գյուղատնտեսական օբյեկտների վրա ցինիկ հարձակումները», ինչպես նաև «եվրոպացի հովանավորների քայլերը, որոնք խաթարում են ռուսական մատակարարումները, ներառյալ՝ մարդասիրական օգնությունը, գյուղատնտեսական արտադրանքը և պարարտանյութերը», ցույց են տալիս, որ նրանք հետաքրքրված չեն աջակցելու կարիքավոր երկրներին։