Նոյեմբերի 6-ը Արցախյան ազատամարտի հերոս Արթուր Ղարիբյանի հիշատակի օրն է

Ո՞վ ես դու, մա՛րդ, թե չունես հայրենիք.

Փուչ արարած…

Ո՞վ ես դու, մա՛րդ, թե պայքար չունես.

Խեղճ արարած…

Նոյեմբերի 6-ը Արցախյան ազատամարտի հերոս, ՀՅԴ անդամ Արթուր Ղարիբյանի հիշատակի օրն է։

Արթուր Ղարիբյանը ազատամարտի առաջին օրերից մասնակցել է ՀՀ սահմանամերձ շրջանների (Արարատ, Գորիս, Նոյեմբերյան) և ԼՂՀ` Շահումյանի, Ասկերանի, Մարտակերտի շրջանների, Գետաշենի ու Բերդաձորի ենթաշրջանների ինքնապաշտպանական և ազատագրական մարտերին, Շուշիի ազատագրման, Լաչինի շրջանում, Կրկժանում, Մալիբեյլիում, Լեսնոյում, Խոջալիում հակառակորդի կրակակետերի ոչնչացման գործողություններին: Եղել է ՀՅԴ Շուշիի առանձնակի գումարտակի գրոհային դասակի հրամանատար։

Զոհվել է 1992 թվականի նոյեմբերի 6-ին ԼՂՀ Մարտակերտի շրջանի Սրխավենդ գյուղի համար մղված ինքնապաշտպանության մարտի ժամանակ՝ ականի պայթյունից։