Վրաստանում մեղադրանք է առաջադրվել Սաակաշվիլիի և նրա յոթ կողմնակիցների նկատմամբ

Վրաստանում մեղադրանք է առաջադրվել Սաակաշվիլիի և նրա յոթ կողմնակիցների նկատմամբ։ Այս մասին հայտարարել է Վրաստանի գլխավոր դատախազ Գիորգի Գվարակիձեն ճեպազրույցի ժամանակ։

«Միխաիլ Սաակաշվիլիի, Գիորգի Վաշաձեի, Նիկա Գվարամիայի, Նիկա Մելիայի, Զուրաբ Ջափարիձեի, Էլենե Խոշտարիայի, Մամուկա Խազարաձեի և Բադրի Ջափարիձեի նկատմամբ քրեական հետապնդում է սկսվել պետության դեմ ուղղված հանցագործությունների՝ դիվերսիայի, թշնամական գործունեության մեջ օտարերկրյա պետությանը օգնելու, սահմանադրական կարգի հիմքերի և ազգային անվտանգության դեմ ուղղված գործունեության ֆինանսավորման, ինչպես նաև սահմանադրական կարգի բռնի փոփոխության կամ պետական ​​իշխանությունը տապալելու կոչերի համար», – ասել է նա։