Գերասիմ Վարդանյանի և ընկերների կալանքն ապօրինի է ճանաչվել Վենետիկի հանձնաժողովի կողմից․ գործը պետք է կարճվի․ փաստաբան

Փաստաբան Սոսե Չանդոյանն անդրադարձել է Եվրոպայի խորհրդի իրավաբանական փորձագետների Վենետիկի հանձնաժողովի հրապարակմանը, ըստ որի, Գերասիմ Վարդանյանի և իր ընկերների կալանքն ապօրինի է ճանաչվել։

«Եվրոպայի խորհրդի իրավաբանական փորձագետների Վենետիկի հանձնաժողովը հրապարակել է Սահմանադրական դատարանի դիմումի հիման վրա ՀՀ քրեական օրենսգրքի 236-րդ հոդվածի 2-րդ մասի վերաբերյալ (հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռել) հանցակազմի բացակայության և ապաքրեական լինելու մասին եզրակացությունը(https://www.coe.int/en/web/venice-commission/-/opinion-1252)։

Այս հոդվածով մեղադրանք էր առաջադրվել մեր պաշտպանյալ Գերասիմ Վարդանյանին և իր ընկերներին։ Քաղաքական հետապնդման հետևանքով ընդդիմադիր հայացքներ ունեցող բազմաթիվ քաղաքացիներ հայտնվել էին անազատության մեջ։

Այժմ, հանձնաժողովի եզրակացության հիման վրա գործը պետք է կարճվի»։

Ավելի վաղ հայտնել էինք, որ Վենետիկի հանձնաժողովը Գերասիմ Վարդանյանի և ընկերների կալանքն ապօրինի է ճանաչել։