Մալխաս Ամոյանը դարձավ աշխարհի չեմպիոն

Հունահռոմեական ոճի ըմբիշ Մալխաս Ամոյանը (77 կգ քաշային) Խորվաթիայի մայրաքաղաք Զագրեբում ընթացող ըմբշամարտի աշխարհի առաջնության եզրափակիչում 10։1 հաշվով վաղաժամ պարտության մատնեց օլիմպիական չեմպիոն ճապոնացի Նաո Կուսակային և դարձավ ոսկե մեդալակիր։

Եվրոպայի քառակի չեմպիոն, աշխարհի արդեն կրկնակի չեմպիոն, օլիմպիական խաղերի բրոնզե մեդալակիր Մալխաս Ամոյանը կիսաեզրափակիչ գոտեմարտում 5։1 հաշվով առավելության էր հասել իրանցի Ալիռեզա Մորադ Աբդեվալիի նկատմամբ և դուրս եկավ եզրափակիչ:

Այսպիսով Մալխաս Ամոյանն իր կարիերայում երկրորդ անգամ հռչակվեց աշխարհի չեմպիոն։ 2021 թվականին Օսլոյում ևս ոսկին մեր ըմբիշինն էր։

Հիշեցնենք՝ այս առաջնությունում սա մեր միակ ոսկին էր։ Ավելի վաղ ազատ ոճում բրոնզե մեդալակիր էր դարձել Արսեն Հարությունյանը։