Արգելվել է ռուսական «Կորովկա» էսկիմո պլոմբիրի ներմուծումը Հայաստան

Սննդամթերքի անվտանգության տեսչական մարմինը տեղեկացնում է, որ ՍԱՏՄ ղեկավարի որոշմամբ՝ 2025թ. հուլիսի 2-ից ժամանակավորապես արգելվել է ՌԴ «Ֆաբրիկա Նաստոյաշչեգո Մորոժենոգո» ՍՊԸ-ի արտադրած «Էսկիմո պլոմբիր վանիլային շոկոլադասերուցքային ջնարկում» տեսակի պաղպաղակի 07․03․2025թ. արտադրության խմբաքանակի ներմուծումը Հայաստան (ապրանքանիշը՝ «Կորովկա», 100 գրամանոց, պիտանիության ժամկետը 18 ամիս):

Նշվում է, որ «որոշումը կայացվել է սննդամթերքի անվտանգության ռիսկերի գնահատման հիման վրա»։

Արգելքը վերաբերում է 2025 թվականի հուլիսի 2-ից հետո ներմուծվող խմբաքանակներին։

Մինչ այդ ներմուծված արտադրանքի նկատմամբ սահմանափակումը չի գործում։