Իրանի կառավարությունը հայտարարել է Իսրայելի և ԱՄՆ-ի հարձակումներից միջուկային օբյեկտների լուրջ վնասի մասին

Իրանի կառավարության խոսնակ Ֆաթիմա Մոհաջերանին հայտարարել է, որ Իրանի միջուկային օբյեկտներն Իսրայելի և ԱՄՆ-ի կողմից իրականացված ռազմական հարձակումներից լրջորեն վնասվել են, հաղորդում է Tasnim-ը։

Իրանի և ԱՄՆ-ի միջև նոր բանակցությունների հեռանկարի մասին հարցին Մոհաջերանին պատասխանել է, որ Իրանի արտաքին գործերի նախարարությունն արդեն հայտարարել է, որ այս հարցի վերաբերյալ որոշում չի կայացվել և բացառել է մոտ ապագայում նման բանակցությունների մեկնարկի հնարավորությունը։

Նա ասել է, որ Իսրայելի կողմից Իրանի վրա հարձակումների հետևանքով վնասվել է 3500 բնակելի շենք, այդ թվում՝ 332-ը Թեհրանում։

Կառավարության խոսնակը հայտարարել է, որ 12-օրյա պատերազմում զոհվել է 935 իրանցի, այդ թվում՝ 140 կին և երեխա, իսկ ավելի քան 5600 մարդ վիրավորվել է։

Նա նաև հավելել է, որ հունիսի 23-ին Թեհրանի Էվին բանտի վրա Իսրայելի կողմից իրականացված հարձակման հետևանքով զոհվել է 79 մարդ։