Այս պահին Երևանում sett-weather
Փոխարժեքներ 22 06 2025
USD ⚊ $ 385.68
EUR ⚊ € 444.38
RUB ⚊ ₽ 4.9169
GBP ⚊ £ 520.48
GEL ⚊ ₾ 141.53
կարևոր
355 դիտում, 3 ժամ առաջ - 2025-06-22 16:15
Աշխարհ

Մոսկվան խստորեն դատապարտում է Իրանի միջուկային օբյեկտների վրա ԱՄՆ-ի հարձակումները․ ՌԴ ԱԳՆ

Մոսկվան խստորեն դատապարտում է Իրանի միջուկային օբյեկտների վրա ԱՄՆ-ի հարձակումները․ ՌԴ ԱԳՆ

Մոսկվան խստորեն դատապարտում է Իրանի միջուկային օբյեկտների ուղղությամբ ԱՄՆ-ի հարձակումները, հայտարարել է ՌԴ ԱԳՆ-ն:

«Ինքնիշխան պետության տարածքը հրթիռահրետանային հարվածների ենթարկելու անպատասխանատու որոշումը, ինչ փաստարկներով էլ այն ներկայացվի, կոպտորեն խախտում է միջազգային իրավունքը, ՄԱԿ-ի կանոնադրությունը, ՄԱԿ-ի Անվտանգության խորհրդի բանաձևերը, որն ավելի վաղ միանշանակ անթույլատրելի էր որակել նման գործողությունները։ Հատկապես մտահոգիչ է, որ հարվածներն իրականացրել է մի երկիր, որը ՄԱԿ-ի Անվտանգության խորհրդի մշտական անդամ է»,- ասվում է հայտարարության մեջ։

Ընդգծվել է, որ ՄԱԿ-ի Անվտանգության խորհուրդը պարտավոր է արձագանքել այդ հարձակմանը։

«Իրանական օբյեկտների վրա հարձակումը վնաս է հասցրել միջուկային չտարածման գլոբալ ռեժիմին, որը հիմնված է միջուկային զենքի չտարածման մասին պայմանագրի վրա, և դրա վրա հիմնված ՄԱԳԱՏԷ-ի ստուգման և մոնիտորինգի համակարգին»,- հավելել են գերատեսչությունում:

Մոսկվան ՄԱԳԱՏԷ-ի ղեկավարությունից ակնկալում է շուտափույթ մասնագիտական և ազնիվ արձագանք՝ առանց լղոզած արտահայտությունների և քաղաքական «հավասարակշռության» հետևում թաքնվելու փորձերի։

Ռուսաստանի ԱԳՆ-ն նշել է, որ անհրաժեշտ է ՄԱԳԱՏԷ-ի գլխավոր տնօրենի օբյեկտիվ զեկույցը գործակալության հատուկ նստաշրջանում քննարկելու համար, որը պետք է տեղի ունենա ամենամոտ ժամանակները:

ԱՄՆ-ն հունիսի 22–ի գիշերը հարվածներ է հասցրել Իրանի երեք միջուկային օբյեկտներին Նաթանզում, Ֆորդոյում և Սպահանում: ԱՄՆ նախագահ Դոնալդ Թրամփի խոսքով՝ հարվածի նպատակը երկրի միջուկային հնարավորությունների սահմանափակումն է: Նա հայտարարել է, որ Թեհրանը պետք է համաձայնի «ավարտել այս պատերազմը», կամ Իրանին շատ ավելի լուրջ հետևանքներ են սպասվում:

Իրանի խորհրդարանը հայտարարել է, որ Թեհրանը սպասում էր, որ Ֆորդոյի միջուկային օբյեկտի վրա կհարձակվեն, այդ պատճառով տարհանում է իրականացրել, օբյեկտին անդառնալի վնաս չի հասցվել: Երկրի Ատոմային էներգիայի կազմակերպությունն ընդգծել է, որ Թեհրանը մտադիր չէ դադարեցնել միջուկային ոլորտի զարգացումը հարվածներից հետո:

ԱՄՆ-ի հարձակումն արդեն բացասական արձագանք է առաջացրել միջազգային ասպարեզում։ ՄԱԿ-ի գլխավոր քարտուղար Անտոնիո Գուտերեշն այն անվանել է վտանգավոր էսկալացիա տարածաշրջանում և ուղղակի սպառնալիք միջազգային խաղաղության և անվտանգության համար:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը