Լոռու մարզում 54 մլն դրամ չի իրացվել․ երկրաշարժից տուժած մարդկանց ճակատագիրն ի՞նչպես է որոշվելու․ Կյուրեղյանը՝ ֆինանսների նախարարին

«Հայաստան» խմբակցության պատգամավոր Արմենուհի Կյուրեղյանը Ազգային ժողովում բարձրացրել է Լոռու մարզում չիրացված 54 միլիոն դրամի խնդիրը։ Գումարը նախատեսված էր երկրաշարժից տուժած ընտանիքների բնակարանային ապահովման համար, սակայն վերադարձվել է բյուջե և մինչ օրս չի հատկացվել շահառուներին։

Քաղաքացիները, ովքեր դեռ 2024 թվականի սեպտեմբերին ստացել են բնակարանի գնման վկայագրեր, դեռ չեն կարողացել օգտվել ծրագրից։ Նրանցից պահանջվել է քանդել իրենց տնակները, ինչից հետո ստիպված են եղել վարձով բնակվել՝ առանց երաշխիքի։

Ֆինանսների նախարար Վահե Հովհաննիսյանը նշել է, որ խնդիրը ընթացիկ ծախսերի ոլորտում է, և եթե պետական պարտավորություն կա, այն կկատարվի պահուստային միջոցների հաշվին։

Մանրամասն՝ տեսանյութում։