Գյումրի են բերվել բարեխոս Սուրբ Մատրոնա Մոսկվացու մասունքները

Պատրիարք Կիրիլի օրհնությամբ Գյումրի են բերվել բարեխոս Սուրբ Մատրոնա մոսկվացու մասունքները։ Տեղեկությունը հայտնում է Գյումրու համայնքապետարանը։

«Սրբության մասունքները մայիսի 21-ին տեղադրվել են Սուրբ Միքայել Հրեշտակապետի եկեղեցում, որտեղ կմնան մինչև մայիսի 23-ը՝ ժամը 20։00»,–նշված է հաղորդագրության մեջ։

Արորողությանը ներկա են եղել Գյումրու իշխանությունները` քաղաքապետ Վարդան Ղուկասյանի գլխավորությամբ, ինչպես նաև Գյումրիում Ռուսաստանի Դաշնության գլխավոր հյուպատոս Իգոր Տիտովը, բարձրաստիճան ռուս զինվորականներ։

Մայիսի 24-ին Սրբի մասունքները կտեղափոխվեն 8-րդ թաղամասի Սրբուհի Մատրոնայի տաճար։ Մայիսի 25-ին մասունքները կվերադարձվեն Սուրբ Միքայել Հրեշտակապետի եկեղեցի։

Սրբի մասունքները Հայաստանում կմնան մինչև հունիսի 30–ը։

Տեսանյութը՝ ԱՅՍՏԵՂ: