Բաքվում հարցաքննվել է Բակո Սահակյանը. ի՞նչ է ասել

Այսօր Բաքվում արցախցի գերեվարված ղեկավարների «դատավարության» ժամանակ հարցաքննել են Արցախի նախկին նախագահ Բակո Սահակյանին և ցուցադրել Հայաստանի առաջին նախագահ Լևոն Տեր-Պետրոսյանի ելույթներից մեկի ձայնագրությունը (ենթադրաբար 1993 թվականի): Տեղեկությունը հայտնում են ադրբեջանական լրատվամիջոցները։

Դեռևս 2025թ. հունվարին ադրբեջանցի բլոգերներից մեկը ակտիվորեն տարածել էր Տեր-Պետրոսյանի մասնակցությամբ տեսանյութը, որում ասվում էր, թե մինչև 1988 թվականը Հայաստանում 170 հազար ադրբեջանցի է ապրել:

Ցուցադրվել է նաև տեսագրություն, որում Բակո Սահակյանը և մյուս հրամանատարները փաստաթղթեր ու քարտեզ են քննարկում:

Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:

Նախկին պետնախարար և բարերար Ռուբեն Վարդանյանի գործը քննվում է առանձին վարույթով:

Տեսանյութը՝ ԱՅՍՏԵՂ: